【老仙ㄟ雜談】大家來練習講臺語（二） 131231

[大雅老仙ㄟ]

--老仙ㄟ新冊《走在銀閃年代》出版囉--
今仔日著是新曆一百礦二年e過年（臺灣人除夕叫過年），咱臺灣儂攏無過新曆年，攏是過舊曆年卡最，因為二項攏叫做過年，為著卜分別稱呼，所以舊曆過年叫做春節。毋過臺灣人過春節者是真正過年。
老仙ㄟ佇【老仙ㄟ雜談】專欄黑白寫東寫西，已經寫真久了，最近卡無人愛看我的文章，逐日上線咧看e朋友無講真最，迴應e儂嘛愈來愈少，所以老仙ㄟ講欲休睏一斬啊，暫時無愛閣再寫啊！以後，伊講讀者na有人叫伊閣寫，伊者欲閣寫。
對了，頂擺老仙ㄟ寫【老仙ㄟ講夕陽】這個e單元，八月中旬已經寫結束啊，即嘛甲文章集合作伙，印做一本冊，冊名叫做《走在銀閃年代》。「銀閃」e意思著是咧講咱儂na食老嘛袂使講老咧。老人e頭毛雖然變做白色e（銀色），但是嘛閣金光強強滾，會使講還閣真有精神咧。毋通講老著想欲等死，na想欲等死，儂著無啥物希望囉。老仙ㄟ講：儂na老嘛是愛振動，有振動著卡袂老，嘛會得活甲長歲壽。
即本冊已經上市囉，大間冊店攏有咧賣，我希望逐個朋友攏會使去買一本來罔看，看咱儂na老的心肝底是生做啥物款。我講儂na老，千萬毋通驚死，毋是講驚死伊著袂死。
老仙ㄟ接近八十歲囉！伊嘛講伊毋驚死，伊講儂e世間蹛著嘛真心色，真毋願死，毋故「生老病死」是人生e過程，你na驚死甘著袂死？
《走在銀閃年代》即本冊是聖誕節彼日出版ㄟ，一百礦三年正月初一才會正式佇大間冊店上市，我希望這本和頂彼本《庶民醫療史》仝款賣甲真好，想欲趕緊會得出第二刷。
老人講老人話，我想少年先ㄟ攏看無，看無袂曉緊，慢慢看你著會得體會出來老大人e想法，因為人攏會老，趁即嘛還袂老，著愛先知影老大人心肝底是咧想啥物。
老仙ㄟ講死嘛毋驚，但是逐個儂攏驚卜死閣毋死，一拖拖幾落年，na安尼，伊本人艱苦，伊厝內面e人嘛真艱苦。逐個儂攏咧講：「久長病‧出不孝子」，其實毋是囝兒心婦不孝，因為少年儂嘛愛做功課，伊嘛無法度甲你照顧幾落年。na是抵著安尼，著緊來看《走在銀閃年代》即本新冊，著知影老來咧破病e時陣，著愛按怎來處理。
老仙ㄟ寫e臺語文章無一定攏對，na有毋對e所在，請各位朋友多多指教，或者是直接在本論壇迴應嘛會使咧。

卡最（比較多）、無講真最（不是很多）、休睏一斬（休息一段時間）、頂擺（上一次）、集合作伙（集在一起）、毋通（不可以）、愛振動（要活動）、大間冊店（大型書局）、真心色（很有趣）、頂彼本（上一本）、趁即嘛（趁現在）、卜死閣毋死（要死不死）、厝內面（家內）、心婦（媳婦）、功課（工作）、攏對（全都對）、會使（可以）。

[kwojohn]

[MARKHSU]

你老仙開講是真心色,毋通休睏.希望活百二,甲阮相纏帶.

[amin30]

[HCC123]

[mowball]

有啦
隆 按時收看 尚精彩ㄟ【老仙ㄟ雜談】

[uanme33]

雖然平時都有在講台語
但是
有些字詞真的不輪轉
就會突然被口水噎到
呵呵