1, 砧仔膠，粘著腳，叫阿爸，買豬腳，豬腳焄瀾瀾，阿孫ㄟ看著流嘴瀾。
2, 舊久舊，田螺炒豆腐，一碗分你食，我講阮嘛有。
3, 屎桶仔箍，掀起來臭歸埔，屎桶仔蓋，掀起來臭屎破。
4, 大箍呆，炒久菜，燒燒一碗來，冷冷我無愛。
5, 那哭那笑，豬母咧放尿，後尾門來一頂轎，扛你去食屎擱食尿。
6, 人插花，你插草，人抱孫，你抱狗，人睏紅眠床，你睏灶孔口。
7, 西平咧出虹（ㄎㄧㄥ），無米煮刺荇，無柴破戶碇。
8, 嬰嬰睏，一暝大一寸，嬰嬰惜，一暝大一尺。
9, 一二三四，囡仔人無驚無代誌，土地公伯會共你鬥保庇。
10, 嘻咐挨（ㄨㄟ），篩米粟飼閹雞，閹雞飼大隻，台（ㄊㄞˇ）予阿舅食，阿舅食無了，賰一支雞腳爪，予阮嬰仔食了了。
11, 做頭前食鴨平，做中央食糖霜，做後尾食菜頭粿。
12, 火金姑來食茶，茶燒燒配芎蕉，茶冷冷配龍眼（ㄍㄧㄥˋ），龍眼會開花，匏仔換菜瓜，菜瓜欲煮湯，匏仔換粗糠，粗糠欲燃火（hiann5 hue2），九嬸婆仔爻炊粿。
13. 天烏烏，欲落雨，鯽仔魚欲娶某，龜撠燈（gia7 ting），蝦打鼓，水雞扛轎大腹肚，田蛤仔撠旗叫艱苦。
14,天烏烏，欲落雨，阿公撠鋤頭欲掘芋，掘阿掘，掘到一尾魚溜鼓，阿公講欲煮鹹，阿嬤講欲煮汫（tsiann2），二个相扑弄破鼎，嘿嘿嘿！
15, 嬰仔惜，嬰仔搖，飼大漢嫁板橋，紅龜粿軟紹紹（ㄒㄧㄡˇ），豬肉做你雙平剺（ㄌㄧㄡˇ）。
16, 白鷺鷥捙畚箕，捙到溝仔墘，抾到一點錢，買大餅送阿姨，阿姨腹肚大，呼雞呼狗來咒詛（ㄐㄧㄨ ㄗㄨㄚ），咒詛有，打心婦，咒詛無，打嬸婆。
17, 做人心婦真艱苦，煩惱豬無潘（ㄆㄨㄣ），煩惱鴨無卵，煩惱小姑欲嫁無嫁粧，煩惱小叔欲娶無眠床，逐日目屎做飯湯。
18, 那出日，那落雨，台（ㄊㄞˇ）豬反（ㄅㄧㄥˋ）豬肚，豬肚脆脆，你後壁鬼咧綴（ㄉㄨㄟ）。
※以上是小時候記下來的，記憶有限，記不起來的，拜託讀者幫我補充。
【老仙ㄟ雜談】囝仔歌（童謠）
版主: 版主021
